Chlauslieder

Was isch das für es Liechtli,
was isch das für en Schii?
De Chlaus mit de Laterne
lauft grad i de Wald durii.

Sin Esel, de hät glade,
er rüeft I-a, I-a
Hüt dörf ich mit mim Meischter
emal is Schtedtli gaa.

Im Sack da häts vill Nüssli,
au Tirggel, Zimetstern,
die träg ich, au wänn’s schwer isch,
für d Chinde schüli gern.

Melodie - Play

Was tripp tripp trippelet
Und trapp trapp trappelet
Chönt das ächt dr Esel sy
I-a ja ja, i-a, i-a ja ja, i-a.

Was ding ding dingelet
Und dong-dong-dongelet
Chönt ächt das dr Samichlaus sy
I-a ja ja, i-a, i-a ja ja, i-a.
I-a ja ja, i-a, i-a ja ja, i-a.

Was rasch rasch raschelet
Und rusch rusch ruschelet
Het er ächt sy Sack derby
I-a ja ja, i-a, i-a ja ja, i-a

Und wenn dir wieder göht
Und üs wieder verlöht
Darf i viellicht mit eu ga
I-nei, i-nei, i-nei
Blyb du nur dehei.
Blyb du numä da.
I-a ja ja, i-a, i-a ja ja, i-a.
I-a ja ja, i-a, i-a ja ja, i-a.
I-a ja ja, i-a, i-a ja ja, i-a.

Melodie - Play

Mir sind z'dritte uf em schlitte,
wänd de stroos no abe ritte,
hebed fescht und los chas gaa,
wie das schtübbt wie das schneit,
öper isch scho abe geit,
mümmer z'weite witer go.

Nur no zwee dur de schnee,
es wird schnäller immer meh,
es verschlaht eim fascht de schnuuf,
chunnt e ganz e höchi schanze,
ich gseh alles nur no tanze,
denn isch nur no eine druf.

Jetz allei, ooh nei
muess ich stüüre mit de bei,
ich suus grad wie e pfiil,
ich fahr krumm und ghei um,
und de schlitte, nei wie dumm,
fahrt alei bis as ziel.

Melodie - Play

Es schmöckt zwor immer guet,
wenn öpper bache tuet,
aber dä feinschti Duft,
isch Wiehnachtsguetzliluft
Veruss isch alls wie Iis,
Dä Nebel macht alls wiiss,
Doch us de Chuchi schmöckts jetzt grad
wie us em Paradies.

Zimetstern hani gern, Mailänderli au,
Tirggel und Spitzbuebe
und Ring und Willisau.
Läckerli, liebe i,
Chräbbeli no meh,
Totäbeinli, Pfeffernüss
mit Puderzuckerschnee.

Es schmöckt zwor immer guet,
wenn öpper bache tuet,
aber de feinsti Duft,
isch Wiehnachtsguetzliluft.
Was mir am Beschte gfallt,
wenn öpper Teig uswallt,
schliich ich uf Zechäspitzä,
und probiere Teig stibizä!

Zimetstern hani gern, Mailänderli au,
Tirggel und Spitzbuebe
und Ring und Willisau.
Läckerli, liebe i,
Chräbbeli no meh,
Totäbeinli, Pfeffernüss
mit Puderzuckerschnee

Zimetstern hani gern, Mailänderli au,
Tirggel und Spitzbuebe
und Ring und Willisau.
Läckerli, liebe i,
Chräbbeli no meh,
Totäbeinli, Pfeffernüss
mit Puderzuckerschnee

Melodie - Play

Ich gaa mit miner Laterne
und mini Laterne mit mir.
Am Himmel lüchted d’Sterne,
da unde lüchted miir.

De Güggel chräit
und d’Chatz miaut,
la bimmel, la bammel, la bum.

De Güggel chräit
und d’Chatz miaut,
la bimmel, la bammel, la bum.

Melodie - Play

Melodie - Play